ປາກເຊຄລັບ

ສູນແລກປ່ຽນຄວາມຮູ້
 
HomeHome  PortalPortal  SearchSearch  RegisterRegister  Log in  

Share
 

 ອາຫານລາວ ກັບຄວາມງາມ

Go down 
AuthorMessage
sadui



Posts : 45
Join date : 08/09/2010
Age : 31
Location : pakse

ອາຫານລາວ ກັບຄວາມງາມ Empty
PostSubject: ອາຫານລາວ ກັບຄວາມງາມ   ອາຫານລາວ ກັບຄວາມງາມ EmptyFri Sep 10, 2010 3:05 pm

ການປຸງແຕ່ງອາຫານທີ່ມີຫລາກຫລາຍເຍືອງໃນຊາດຫນຶ່ງໆນັ້ນ ລວມທັງຄວາມມີລົດຊາດໃນອາຫານແຕ່ລະເຍືອງ ບົ່ງບອກໃຫ້ຮູ້ເຖິງຄວາມຈະເລີນສີວິໄລຂອງຄວາມເປັນມາຂອງຊາດນັ້ນໆ ລວມທັງຄົນຊົນຊາດນັ້ນອີກດ້ວຍ.
ອາຫານລາວແມ່ນອາຫານທີ່ປາກົດມີມາໃນໂລກຫລາຍຮ້ອຍປີເຊັ່ນກັນ ທີ່ບັນພະບູລຸດໄດ້ປະຄວາມເປັນເອກະລັກໄວ້ໃຫ້ ສວ່ນໃຫຍ່ອາຫານລາວແມ່ນມັກໃສ່ຜັກເຊັ່ນຜັກຫອມຊະນິດຕ່າງໆ ໃນທີ່ນີ້ ຜຂ ມັກກິນລາບກິນກ້ອຍ ແລະ ເວລາກັບລາວທຸກຄັ້ງຕ້ອງກິນຕະຫລອດ ແຕ່ສັງເກດເຫັນວ່າມີການປະຍຸກໄປຕ່າງໆນາໆ ຈົນບາງຄັ້ງກະແຍກບໍ່ອອກວ່າ ອັນໃດແມ່ນລາບ ອັນໃດແມ່ນກ້ອຍ ແຕ່ອັນນີ້ ຜຂ ບໍ່ຂໍຍົກມາເປັນບັນຫາໃນມື້ນີ້ ຜຂ ກິນແຕ່ລະເທື່ອ ທັງໃນຮ້ານອາຫານຊັ້ນນຳ ແລະ ຮ້ານແບບທົ່ວໄປ ປາກົດວ່າ ອັນຫນຶ່ງທີ່ຂັດໃຈ ຜຂ ແມ່ນຜັກຫອມ ແຕ່ກ່ອນ ເຫັນວ່າມີການເດັດເປັນໃບອອກຈາກກ້ານ ທັງຫອມລາບ ຫອມກ້ານກ່ຳ ຫອມເສີມ.......................ແຕ່ດຽວນີ້ ສວ່ນຫລາຍ ບໍ່ຮູ້ເປັນຫຍັງ ພາກັນຫຸບໃສ່ທັງກ້ານໃບ ເບິ່ງແລ້ວມັນບໍ່ງາມຕາເລີຍ ບາງຄັ້ງສັງເກດດີ ໃບທີ່ມັນເຫນົ່າເປັນສີດຳກະຍັງເອົາໃສ່ (ຄ້າຍກັບວ່າຕອນລ້າງຜັກກະບໍ່ໄດ້ໄຈ໋ປະມານນີ້ລະ) ບາງທີ່ອາດແມ່ນຍ້ອນໄດ້ຂາຍດີຫລາຍ ບໍ່ມີເວລາມາຫ່ວງນຳເລື່ອງແນວນີ້ເບາະ ເຮັດແນວໃດກະໄດ້ຂາຍຢູ່ດີ ຫລືວ່າຄິດແນວນີ້ບໍ?.
ຍັງຈື່ໄດ້ແຕ່ກ່ອນກິນລາບ ກິນເຟີຢູ່ຫລວງພະບາງ ຫນ້າປະທັບໃຈຫລາຍ ຜັກຫອມກັບລາບກັບເຟີ ເຂົາເຈົ້າຈະມັດນ້ອຍໆ ສີ່ ຫ້າ ຍອດ ເປັນຈຸ້ມຫນຶ່ງ ຈາກຫລາຍຈຸ້ມມັດເປັນພວງໃສ່ຈານມາໃຫ້ ເບິ່ງແລ້ວງາມຕາ ແລະ ເຫັນໄດ້ ຄວາມເອົາໃຈໃສ່ຂອງເຈົ້າຂອງຮ້ານ ທີ່ມີຕໍ່ແຂກຂອງຮ້ານ ແຕ່ດຽວນີ້ບໍ່ຮູ້ວ່າຍັງເປັນຄືເກົ່າບໍ່ ທ່ານໄດ້ມີໂອກາດໄປຫລວງພະບາງ ຫລື ຢູ່ຫລວງພະບາງ ຖ່າຍຮູບມາໃຫ້ເບິ່ງແນ່ ບໍ່ສະເພາະແຕ່ຜັກຫອມໃນຮ້ານເຟີ ຮອດຂາຍຢູ່ຕະຫລາດກະເຮັດເປັນຕິ້ວ ແລ້ວຫ້ອຍເປັນພວ່ງ ແຕ່ອ່າວໃຫຍ່ກວ່າຢູ່ຮ້ານລາບຮ້ານເຟີ ເຊິ່ງນີ້ອາດແມ່ນເອກະລັກອັນຫນຶ່ງຂອງຫລວງພະບາງກະວ່າໄດ້ ກົງກັນຂ້າມຢູ່ວຽງຈັນເລີຍ ແລະ ແຂວງຕ່າງໆ ຜູ່ຊື້ຈົນໄດ້ໄຈ໋ເອົາຜັກຫອມກັບລາບກັບເຟີຫັ້ນ ວ່າອັນໃດເປັນກິນ ອັນໃດບໍ່ເປັນກິນ.
ມື້ນີ້ເອົາເທົ່ານີ້ກ່ອນ ທ່ານອື່ນວ່າແນວໃດ ຜິດພາດຂໍອະໄພ



ອາຫານລາວ ກັບຄວາມງາມ 2

ອາຫານລາວ ກັບຄວາມງາມ LaoFood1
Back to top Go down
 
ອາຫານລາວ ກັບຄວາມງາມ
Back to top 
Page 1 of 1

Permissions in this forum:You cannot reply to topics in this forum
ປາກເຊຄລັບ :: ສຸຂະພາບ :: ອາຫານ-
Jump to:  
Free forum | © phpBB | Free forum support | Contact | Report an abuse | Latest discussions